المقادير :
لازم الاول نجيب لوسيون البقدونس من عند العطار ونحط منه حوالى نص كوباية مع ملعقة متوسطة من عسل النحل مع قطرات من الليمون .
طريقة عمل الماسك :
الاول هنحط ملعقة العسل مع ليسيون البقدونس وندوب العسل فيها ونستخدم الماسك دة لجزور الشعر علشان يقويها ويغذيها, دلوقتى بعد ماعملنا الماسك هنقسم الكمية نصين نص هنحط عليه قطرات عصير الليمون والنص التانى مش ههنحطله عصير الليمون .....ليه بقى لان النص الاولانى اللى بالعصير دة هنحطه على جذور الشعر لان الليمون بيلمع الشعر ويقضى عالقشرة لو اتوجدت فى الشعر وبينظف فروة الرأس اوى ....وبعد مانخلص كل جذور الشعر بالنص اللى عليه الليمون ...نأخد الجزء التانى اللى من غير ليمون ونحطه عالشعر كله باقى الشعر من بعد ماحطيت على الجذور تمام كدة ودة ليه لان الليمون لما بيتحط عالشعر كله بينشفه شوية وعلشان كدة بنحط بس العسل مع ليسيون البقدونس وبس ...وطبعا بعد ماتحط الماسك كله عالشعر نسيبه حوالى من 20:30 دقيقة وبعدين نشطف الشعر كويس اوى بماء فاتر ....وبكدة هتلاقى نتيجة تحفة بس طبعا مع تكرار الاستخدام عالاقل مرة كل اسبوع لتجدى نتيجة تزهلك ان شاء الله
